நடப்பு நிகழ்வுகள் / CURRENT AFFAIRS

unselectable text.

நடப்பு நிகழ்வுகள்
CURRENT AFFAIRS

28 - 09 - 2018

1. கால்பந்து போட்டியை நடத்தும் உரிமத்தை பெற்றது, ஜெர்மனி!!



• 24 அணிகள் இடையிலான ஐரோப்பிய கால்பந்து சாம்பியன்ஷிப் போட்டி (யூரோ) 4 ஆண்டுகளுக்கு ஒரு முறை நடத்தப்படுகிறது.
• 16–வது ஐரோப்பிய கால்பந்து போட்டி 2020–ம் ஆண்டு பான் ஐரோப்பிய நாடுகளில் (12 நாடு)நடத்தப்படுகிறது.
• 2024 ஐரோப்பிய கோப்பை கால்பந்து போட்டிகளை நடத்த ஜெர்மனி தேர்வு செய்யப்பட்டுள்ளதாக ஐரோப்பிய கால்பந்து சங்கங்கள் கூட்டமைப்பு (UEFA) அறிவித்துள்ளது.

2. சுற்றுலா துறை ஆந்திரா முதலிடம்!!



• 2016 – 17ம் ஆண்டுக்கான, சுற்றுலாத் துறையில் சிறந்து விளங்கிய மாநிலங்களின் பட்டியலில், ஆந்திரா முதலிடம் பிடித்துள்ளது.
• இந்த மாநிலத்திற்கு, தேசிய சுற்றுலா விருதை, டில்லியில், பா.ஜ.,வைச் சேர்ந்த, மத்திய சுற்றுலாத் துறை இணை அமைச்சர், கே.ஜே. அல்போன்ஸ் வழங்கினார்.
• இந்த பட்டியலில், இரண்டாம் இடத்தில், கேரளாவும், மூன்றாம் இடத்தில், கோவாவும், ராஜஸ்தானும் உள்ளன.

3. இந்திய வம்சாவளிக்கு ஐகான் விருது!!



• பிரிட்டன் தலைநகர் லண்டனில், சமீபத்தில், 21ம் நுாற்றாண்டின், சிறந்த, "ஐகான்" எனப்படும், சிறந்த முன்னோடியாக உள்ளவர்களுக்கு விருதுகள் வழங்கப்பட்டன.
• இதில், தொழில் துறையில் சாதனை புரிந்ததற்காக, இந்தியாவை பூர்வீகமாகக் கொண்ட, பிரபல தொழில் அதிபர், சஞ்சீவ் குப்தாவுக்கு விருது வழங்கப்பட்டது.

4. அமெரிக்காவுடன் இந்தியா ஒப்பந்தம்!!



• காசநோயை முற்றிலும் ஒழிக்க,  அமெரிக்காவுடன்,  இந்தியா ஒப்பந்தம் செய்துள்ளது.
• சமீபத்தில், இதற்கான ஒப்பந்தம், அமெரிக்காவின்  நியூயார்க்கில், மத்திய சுகாதாரத் துறை அமைச்சர், ஜே.பி. நட்டா முன்னிலையில்  கையெழுத்தானது.
• இதன்படி, இந்த நடவடிக்கைக்காக, முதற்கட்டமாக, 216 கோடி ரூபாயை, அமெரிக்கா வழங்கி உள்ளது.

5. உலக ரேபிஸ் தினம்!!



• ரேபிஸ் வைரசால் ஏற்படும் பாதிப்புகள் மற்றும் தடுப்பதற்கான முன்னெச்சரிக்கை நடவடிக்கைகள் பற்றி விழிப்புணர்வு ஏற்படுத்தும் விதமாக ஆண்டுதோறும் செப்., 28ல், உலக ரேபிஸ் தினம் கடைபிடிக்கப்படுகிறது.
• ரேபிஸ் வைரஸ்க்கு, 1885ல் முதன் முதலில் பிரான்சை சேர்ந்த லுாயிஸ் பாஸ்டர் தடுப்பு மருந்து கண்டுபிடித்தார். இவரை கவுரவப்படுத்தும் விதமாக, அவரது நினைவு தினம், உலக ரேபிஸ் தினமாக கடைபிடிக்கப்படுகிறது.
• 2030ம் ஆண்டுக்குள் ரேபிஸ் வைரசால் உயிரிழப்பே இருக்கக் கூடாது என உலக சுகாதார நிறுவனம் இலக்கு நிர்ணயித்து உள்ளது.

6. நீளம் தாண்டுதல் - ஸ்ரீஷங்கர்!!



• ஒடிசா மாநிலம் புவனேஸ்வரில் 58-வது தேசிய ஓபன் தடகள சாம்பியன்ஷிப் நடைபெற்று வருகிறது.
• ஆண்களுக்கான நீளம் தாண்டுதல் போட்டியில் கேரளாவைச் சேர்ந்த 19 வயது இளைஞரான ஸ்ரீஷங்கர் முரளி 8.20 மீட்டர் தூரம் தாண்டி முதல் இடத்தை பிடித்தார். மேலும் தேசிய சாதனையும் படைத்தார்.
• இதற்கு முன் அங்கித் ஷர்மா 8.19 மீட்டர் தாண்டியதே சாதனையாக இருந்தது. அதை தற்போது ஸ்ரீஷங்கர் முறியடித்துள்ளார்.
• இந்த சீசனில் 20 வயதிற்கு உட்பட்ட வீரரின் அதிகபட்ச தூரம் இதுதான் என்பது குறிப்பிடத்தக்கது.

7. அசாம் மாநில தூதராக ஹிமாதாஸ்!!



• இளம் ஓட்டப்பந்தைய வீரங்கனையான ஹிமா தாஸ் உலக ஜூனியர் சாம்பியன் ஷிப் போட்டியில் தங்கம் வென்று சாதனை படைத்தார்.
• மேலும் ஆசிய விளையாட்டு போட்டியில் பெண்கள் 400 மீட்டர் ஓட்டத்தில் வெள்ளி பதக்கம் வென்றார்.
• அவருக்கு சமீபத்தில் அர்ஜூனா விருதை மத்திய அரசு வழங்கியது.
• இதற்கிடையே 18 வயதான ஹிமா தாசை அசாம் மாநில தூதராக அம்மாநில அரசு அறிவித்தது.
• இதற்கான அறிவிப்பை அசாம் முதல்- அமைச்சர் சர்பானாந்த் சோனாவால் அறிவித்துள்ளார்.

8. சீனாவுக்கான இந்திய தூதராக விக்ரம் மிஸ்திரி!!



• மியான்மர் நாட்டுக்கான இந்தியாவின் தலைமை தூதராக விக்ரம் மிஸ்திரி பொறுப்பு வகித்து வருகிறார்.
• சீனா நாட்டுக்கான இந்திய தலைமை தூதர் கவுதம் பம்பாவாலே-வின் பதவிக்காலம் விரைவில் முடிவடையவுள்ளது.
• இந்நிலையில், புதிய தலைமை தூதராக விக்ரம் மிஸ்திரி நியமனம் செய்யப்பட்டுள்ளார்.

9. சுகிஜி மீன்மார்க்கெட்!!



• உலகின் மிகப்பெரிய மீன்சந்தையாகக் கருதப்படும் சுகிஜி மீன்மார்க்கெட் கடந்த 83 ஆண்டுகளில் முதன்முறையாக வரும் அக்டோபர் 6 அன்று மூடப்படுகிறது.
• டோகுகாவா ஷூகுநேட் என்ற ராணுவ அரசாங்கம் நடத்திவந்த சர்வாதிகாரியின் காலத்தில் சுமிதா நதிக்கரையில் 1657ல் சுகிஜி மார்க்கெட் தொடங்கப்பட்டது.
• ஜப்பானிய கடல் உணவுகளின் மெக்கா என அழைக்கப்படும் சுகிஜி மீன் மார்க்கெட், பார்வையாளர்கள் மற்றும் வியாபாரிகளை ஈர்ப்பதற்கான சவால்களை எதிர்கொள்ளும் நவீன உத்திகளோடு வரும் அக்டோபர் 11 லிருந்து டோயோசு மார்க்கெட்டில் இயங்க உள்ளது.

10. சூச்சியின் கவுரவ குடியுரிமைப் பட்டம் - கனடா!!



• ரோஹிங்கியா விவகாரத்தில் மியான்மர் தலைவர் ஆங் சான் சூச்சி மீது எழுந்த விமர்சனத்தைத் தொடர்ந்து அவருக்கு வழங்கிய கவுரவ குடியுரிமைப் பட்டத்தைத் திரும்பப் பெறுவதாக கனடா நாடாளுமன்றத்தில் ஒருமனதாக தீர்மானம் நிறைவேற்றப்பட்டுள்ளது.
• 2007-ம் ஆண்டு கனடா அரசின் கவுரவ குடியுரிமைப் பட்டம் ஆங் சான் சூச்சிக்கு வழங்கப்பட்டது. கனடா அரசு வெகு சிலருக்கு மட்டுமே இப்பட்டத்தை வழங்கியுள்ளது குறிப்பிடத்தக்கது.

11. 7வது முறையாக ஆசியக் கோப்பை!!



• ஆசியக்கோப்பை இறுதிப் போட்டியில் வங்கதேசத்தை வென்று இந்திய அணி 7-வது முறையாகக் கோப்பையைக் கைப்பற்றியது.
• கேதார் ஜாதவ், புவனேஷ்வர் குமார், ஜடேஜா பங்களிப்பினால் இந்திய அணி 50வது ஓவரின் கடைசி பந்தில் வென்றது.
• Man of the Match - லிட்டன் தாஸ்
• Man of the Series - ஷிகர் தவான்

12. ஆஸ்திரேலிய அணிக்கு இரு துணை கேப்டன்கள்!!



• முதன்முறையாக ஆஸ்திரேலிய அணிக்கு இரு துணை கேப்டன்கள் தேர்வு செய்யப்பட்டுள்ளனர்.
• ஆல்ரவுண்டர் மிட்செல் மார்ஷ், வேகப்பந்து வீச்சாளர் ஜோஸ் ஹசல்வுட் ஆகியோர் இனிமேல் துணை கேப்டன்களாக செயல்படுவார்கள் என ஆஸ்திரேலிய கிரிக்கெட் வாரியம் அறிவித்துள்ளது.
• இவர்கள் இருவரையும் கேப்டன் டிம் பெய்ன் மற்றும் சக அணி வீரர்கள் வாக்களிப்பு முறையில் தேர்வு செய்தனர்.
• இதற்கு பயிற்சியாளர் ஜஸ்டின் லாங்கர், தேர்வுக் குழுத் தலைவர் டிரெவர் ஹான்ஸ் ஆகியோரை உள்ளடக்கிய குழு அனுமதி வழங்கியுள்ளது.

13. பார்க்லேஸ் ஹீருன் இந்திய பணக்காரர் பட்டியல் – 2018!!



• பார்க்லேஸ் ஹீருன் இந்தியா பணக்காரர் பட்டியல் 2018-ல் இந்தியாவின் இரண்டாவது பெரிய நிறுவனமான ரிலையன்ஸ் இண்டஸ்ட்ரீஸ் நிறுவனத்தின் தலைவரான பில்லியனர் முகேஷ் அம்பானி 7வது ஆண்டாக தொடர்ந்து முதலிடத்தில் உள்ளார்.
• இந்த பட்டியலானது இந்தியாவில் ரூ.1000 கோடி அல்லது அதற்கு மேல் நிகர மதிப்புடைய சொத்துக்களை கொண்ட தனிநபர்களின் தொகுப்பாகும்.
• திரு. அம்பானியைத் தொடர்ந்து லண்டனைச் சேர்ந்த S.P. ஹிந்துஜா மற்றும் L.N. மிட்டல் ஆகியோர் உள்ளனர்.
• அசிம் பிரேம்ஜி இப்பட்டியலில் நான்காவது இடத்தில் உள்ளார்.
• இந்த பட்டியலில் உள்ள 831 தனிநபர்களின் சொத்து மதிப்பானது 719 பில்லியன் டாலராக உள்ளது. இது இந்தியாவின் மொத்த உள்நாட்டு உற்பத்தியில் கால்பங்கு ஆகும்.

14. மனித மூலதன மதிப்பீடு!!

• கல்வி மற்றும் சுகாதாரப் பணிகளில் முதலீடு செய்வதில் இந்தியாவானது உலகின் 158வது இடத்தில் உள்ளது.
• இந்த ஆய்வானது ‘த லான்சட்’ என்ற பத்திரிக்கையில் பிரசுரமாகியுள்ளது.
• இந்த ஆய்வு பின்லாந்தை முதலிடத்தில் வைத்துள்ளது.
• இதில் அமெரிக்கா 27ம் இடத்திலும், சீனா 44வது இடத்திலும், பாகிஸ்தான் 164வது இடத்திலும் உள்ளன.

கீழ்க்காணும் தெற்காசிய நாடுகள் இந்தியாவுக்கு கீழ்நிலையில் உள்ளன.

• பாகிஸ்தான் (164)
• வங்காள தேசம் (161)
• ஆப்கானிஸ்தான் (188)

அதே பிராந்தியத்தில் கீழ்க்காணும் நாடுகள் மனித மூலதனத்தின் அடிப்படையில் இந்தியாவை விட சிறப்பாக செயல்படுகின்றன.

• இலங்கை (102)
• நேபாளம் (156)
• பூடான் (133)
• மாலத்தீவுகள் (116)

15. முதல் ஸ்மார்ட் ரயில் பெட்டிகள்!!



• சர்வதேச தரத்தில், கருப்பு பெட்டி மற்றும் செயற்கை நுண்ணறிவில் (Artificial Intelligence AI) இயங்கும் சி.சி.டி.வி போன்ற புதிய அம்சங்களுடன் கூடிய முதல் ஸ்மார்ட் ரயில் பெட்டிகளை“மாடர்ன் கோச் பேக்டரி – ராய் பரேலி” அறிமுகம் செய்துள்ளது.

16. BSF மற்றும் SSB புதிய அதிகாரிகள் நியமனம்!!



• மூத்த ஐ.பி.எஸ் அதிகாரிகள் ரஜினி கான்ட் மிஸ்ரா மற்றும் எஸ்.எஸ். தேஷ்வால் ஆகியோர் முறையே மத்திய துணை ராணுவப்படையான எல்லை பாதுகாப்புப் படை (BSF) மற்றும் சஷாஸ்ட் சீமா பால் (SSB) அமைப்பின் புதிய தலைவராக நியமனம் செய்யப்பட்டுள்ளனர்.
• ரஜினி கான்ட் மிஸ்ரா(BSF) கே.கே. ஷர்மாவின் இடத்தை நிரப்புகிறார்.

17. ஒரே இந்திய வீரர் எம்.எஸ். தோனி!!



• சர்வதேச கிரிக்கெட் போட்டிகளில் 800 பேரை ஆட்டமிழக்க செய்த ஒரே இந்தியர் என்ற பெருமையை எம்.எஸ். தோனி பெற்றுள்ளார்.
• ஏற்கெனவே அதிக ஸ்டம்பிங் செய்தவர் எனும் சர்வதேச பட்டியலில் முதலிடம் பிடித்துள்ள தோனி, வங்கதேசத்துக்கு எதிரான போட்டியில் விளையாடியபோது, மோர்தாசாவை ஆட்டமிழக்கச் செய்தார்.
• இந்த ஸ்டம்பிங் மூலம், சர்வதேச கிரிக்கெட் போட்டிகளில் 800 பேரை ஆட்டமிழக்கச் செய்த முதல் இந்தியர் என்ற பெருமையை தோனி படைத்துள்ளார்.

18. நெல்சன் மண்டேலா!!



• இந்த ஆண்டு நெல்சன் மண்டேலா பிறந்த 100வது ஆண்டாகும். இதனால் ஐ.நா. சபை ஆனது 2019-2028 காலத்தை "நெல்சன் மண்டேலா சமாதானத்தின் தசாப்தம்" என அறிவித்துள்ளது.
• ஐக்கிய நாடுகளின் உயர்ந்த கொள்கைகள், சமாதானம், மன்னிக்கும் குணம், இரக்கம், மனிதர்களின் கௌரவம் ஆகியவற்றை மண்டேலா தன்னகத்தேக் கொண்டிருந்தார்.
• தென்னாப்பிரிக்காவில் பிறந்த நெல்சன் மண்டேலாவின் பிறப்பை கௌரவிக்கும் வகையில் அவரது சிலையானது ஐ.நா. சபையில் திறக்கப்பட்டது.

19. நிதி உள்ளடக்கல் குறியீடு!!

• மத்திய நிதி மற்றும் பெருநிறுவன விவகார அமைச்சகமானது நிதி உள்ளடக்கல் குறியீட்டை புதுடெல்லியில் துவங்கியுள்ளது.வருடாந்திர FII ஆனது நிதித்துறை அமைச்சகத்தின் நிதிச்சேவைத் துறையால் வெளியிடப்படும்.
• இந்தக் குறியீடு 3 அளவீட்டு பரிமாணங்களைக் கொண்டுள்ளது. நிதிச் சேவைகளை அணுகல் நிதிச் சேவைகளின் பயன்பாடு தரம் இது பெரிய அளவிலான கொள்கை முன்னோக்குதலை வழிகாட்டும் நிதியியல் உள்ளடக்கலின் தெளிவான நிலையை அளிக்கும் ஒற்றைக் கலப்பு குறியீடாகச் செயல்படும்.

20. இந்தோனேசியாவில் பயங்கர நிலநடுக்கம்!!



• இந்தோனேசியா நாட்டின் மத்திய பகுதியில் இன்று 7.5 ரிக்டர் அளவில் ஏற்பட்ட நிலநடுக்கத்தின் எதிரொலியாக சுனாமி எச்சரிக்கை விடுக்கப்பட்டது. 
• அங்குள்ள டோங்லா நகரை மையமாக கொண்டு ஏற்பட்ட இந்த நிலநடுக்கம் ரிக்டர் அளவுகோலில் 7.5 புள்ளிகளாக பதிவாகி உள்ளதாக அமெரிக்க புவியியல் ஆய்வு மையம் கூறியது.
• இந்த நிலநடுக்கம் 10 கி.மீ. ஆழத்தில் மையம் கொண்டிருந்தது.

21. பசுமை நுகர்வோர் தினம்!!



• பிளாஸ்டிக் பைகளைப் பயன்படுத்துவதால் சுற்றுச்சூழல் பாதிக்கப்படுகிறது. ஆகவே இயற்கையான பொருட்களையே பயன்படுத்த வேண்டும்.நாம் பயன்படுத்தக்கூடிய பொருட்கள் மறுசுழற்சிக்கு உகந்ததாக இருக்க வேண்டும். 
• உலகின் பல பகுதிகளில் பசுமை நுகர்வோர் அமைப்பு மக்களிடம் பசுமையைப் பாதுகாக்க விழிப்புணர்வை ஏற்படுத்தி வருகிறது. செப்டம்பர் 28ஐ பசுமை நுகர்வோர் தினமாக கொண்டாடி வருகிறது.